منتديات نــــــــورا
عزيزي الزائر / عزيزتي الزائرة يرجي التكرم بتسجبل الدخول اذا كنت عضو معنا
او التسجيل ان لم تكن عضو وترغب في الانضمام الي اسرة المنتدي
سنتشرف بتسجيلك
شكرا
ادارة المنتدي


اغاني سودانيه -برامج -العاب -دردشه -افلام ومسرحيات
 
الرئيسيةالرئيسية  <html> <head> <<html> <head> <  اليوميةاليومية  س .و .جس .و .ج  بحـثبحـث  الأعضاءالأعضاء  المجموعاتالمجموعات  التسجيلالتسجيل  دخولدخول    تسجيل دخول الاعضاءتسجيل دخول الاعضاء    
تعلن اداره منتديات الامبراطور MAMO عن فتح باب الاشراف لمن لديده رغبه ويجد في نفسه الجره علي ذلك يتم اعلان الاداره بارسال رساله خاصه ولكن يجب علي المتقدم ان يكون عضو نشيط ويمكنه القدره علي مداومة الدخول للمنتدى بصوره مستمره حتي يستطيع الرد علي المواضيع وحذف من لايجده مناسب مع القسم الذي يشرف عليه,, كما يحتاج المنتدي الي نائب مدير ومراقب عام اومراقبه,,, خالص التحايا فريق الاداره

شاطر | 
 

 من روائع ازهري محمدعلي

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
MAMO
اللورد

اللورد
avatar

رتب : المدير العام
العذراء
عارضة طاقه :
59 / 10059 / 100

رسائل mms : احبك
رقم العضويه : 1
المزاج : مبسوط
<b>معلومات العضو</b> الاداري المميز
ذكر
الهوايه : شطرنج
عدد المساهمات : 1612
نقاط : 4697
العمر : 27

مُساهمةموضوع: من روائع ازهري محمدعلي   الثلاثاء أبريل 05, 2011 1:44 pm








قصائد المتالق دوما الشاعر ازهري محمد علي

--------------------------------------------------------------------------------


أبداكى من وين ..


أبداكى من وين .. وفينى منك لسة حاجات


من مخاوف ومن شجن


أبداكى من وين .. وظنى إنك


فكرة إعلان الحياة


وإنتهاءات العوارض والمحن


نفسى ألقاكى وأكون


أنا كلى من بعضك


أو .. بعضى من كلك بدن


وداير أبقاكى وأوحد دورة الدم


المقسمة بينى .. بينك .. والسحن




أبداكى منى .. ولاّ منِّك


أبتديكى محل .. محل


من ياتو منفذ أدخلك


وكل المنافذ فيكى سدّاها النحل


من ياتو شارع أوصلك


وكل الدروب معطونة لى آخر الوحل


.. أستبيح كل الحواجز .. وأدخلك


من كلامك بدخلك


من بين مسامك بدخلك


من أى قاسم مشترك


وشبهة تشابه .. ادخلك


ونتلاقى نهرين من تسامى .. وإشتها


وأبداكى من حيث أنتهت عندك خواتم الإنتها


أبداكى .. وأخلع خيام عمرى المضى


وألقاكى مبسوطة اليدين


مفتوحة أبواب الرضا


أبداكى من لحظة أنستِكْ نار


وأخدت من قبسك .. هُدى


وأنا ضُمـّة زاهد


فى الدروب الما بتجيك


.. ولا بترجِّع ليا من تالاك صدى


أبداكى من وين ؟






وضّـاحه


الـصباح الـباهى لونك

وضّـاحه يافجر المشارق
غـابة الأبـنوس عيونك
يَـابْنَيّه مـن خُبز iلفنادق
شـيدتي في جواىْصوامع للفرح
وفـتحتِ في دُنياي مسارح
لــــلـــمَـــرحْ
وبـقـيـتـي لــــيْ
سِــكّــه وعــيـون
لا قِـــدرْتَ أطـولـكْ
شــــان أجــيــكْ
لا قِـدرْتَ من غيرِكْ أكونْ
وانـا بـيك مالينى الكلام
حرّكت بيك عصب السكونْ
جَـلبتَ لـيكْ الغيم رحط
طـرّزتَ ليكْ النيل زفاف
حَــرَقْــت ليك
الــشــوق بــخـور
وفــرشــتَ لــيـك
الــريــد لِــحَـافْ
لا الـسِكَّه بـيكِ بِـتِنْتهي
ولا مـعاك ملّيت الطواف
يـا ريتني لو أقْدَر أكونِك
الـصباح الـباهى لونك
يَـابْنَيّه مـن خُبز الفنادقْ
غـابة الأبـنوس عيونك
وضّـــــاحــــه
لــو طــال ا لطريق
بـيناتْنا واتـرامي الـمدى
وصنَّت مَسَامْعِكْ من iiنِداي
شِـرْبَتْ فـيافيِك ا لصدى
مـا تـحنِْى هامات النخيل
مـا تـرمي دَمَعاتالندى
مـا تْشنِّفى الزمن الجميل
دا الـعُمرِ يـا دابـو اْبتدا
! والعُمْرِ إيه حيكون iiبدونِك
وضّـاحهَ يا فجر المشارِق
الـصباح الـباهى لـونِك
يـا بـنيه من خبز الفنادقْ
غـابة الأبـنوس عيونك


الخروج من بيت النمل



تمى غناك الخمجان

وزودى إيقاع الرقص
ومحل ما تمدى إيدك
أنزلى أمطار
وريحى أعصاب الطقس
مدستر فيك الزول الجواى
ومنك أول زول
نازل دستوروا معاى
أول زول صالحته لوجه الأرض
كان منك
آخر زول ناهر خوفى
وعارف معنى الرفض
كان منك
يا متوهطة حلم الكل
ومعلنة إنك ضد البعض
أنا راغب أستخلص عذبك
من بحر الشك المالح
أسقيك حليب الروح
أكسيك من عُري الزمن الفاضح
يا وحم العشق المحموم
ومخاض الجرح الفادح
أنا ليه قدامك .. دون
وعدتك نمشى نخصب حلم المويه
بوعد الرمل
رجعنا نكلم حلم المويه
برفض الرمل
وقعدنا بنقطع فى المويه وفى الرمل
سرقوك منى ودسوك
فى بيت النمل
طراك الصهيل حس الصرير فى بابى
أنا عازمك مقيل ومخصمك ما تابى
خليهو العويل كان يسترك جلبابى
يا جدية العُزاز ما بلحقك نشابى
فى الوادى الفسيح مرقت براها كلابى
فزت فى القنيص صدّن بلاها كلابى
أدتنى السلام سلمتها السبابى
حنت للرحيل رحلت مع الجلابى
وحّيدا الكتيل كتل المنخلع للدابى
ويا خيه .. كل البراحات وسوسه
الهاويه خلفك والبحر
وقدمك طنين الهلوسه
محمدك ساساق دروب الهم
محمدك .. طول المدى الشاسع
بين الإيدين والفم
ويا إنتى العشم مزبوح
أدسك فى خلايا الدم
تمرقى بى خراج الروح
حمل كاذب رعد أبكم
حبل متروك على القارب
واشوفك فى الحصار باهته
نتف غضب العُصار ريشك
حتل فيك الكلام الرخو
نقز فى دمى درويشك
واظنك إنتى
غشاك الشعور بالزهو
سقط سهواً غناك الكان
بكلب جلدة الغفوة
وينفذ من مسام الصحو
لكنك بتطلعى من حوافر الخوف
تطلعى من حلم مهووس
ومن فجة سفر طول
يسربك الحنين فينى
تعلنى عن زمن آتى
تعلنى عن وطن أجمل
ولكنك بتطلعى .




الطشاش



غيب إحساس الرضى

ومسَح الروح بالغباش
وانا ما نعيت
طيب معشرك
ولا أقمت عليك عزا
إشتهيت أفرد ضفيرتك للمطر
واحقن وريدك بالدُعاش
واكتفيت
أفضل أريدك إندهاش
أو ألوذ بي نفسي عنك
! يامدهشة
أنا وين أفوت منك أمش؟
بشفق عليك
من حسن ظنك
بالملايكة المارقه من باب الشمس
يا جابدة من تحتى الأرض
وقابضة فى نفسى العرش
يا نابضة من عطش الجسد للروح
مجلوبة إنت ومستباحه
كل المواعيد الزنيمه
كانت مباحة
ومطلقة
كل البراحات الحميمة
موصوده دونك ومغلقه
مسجونه فيك
إنتظارات السحاب
والإحتمالات المريحه ومقلقه
محلوبه من دمك عصارة العفه
فيك
لا فُضّ فيك
يا صومعة إملاقى والعشق المحال
دقت مسامير الفجيعه
على العُضام الحيه واللحم الحلال
بتمرقى من وجع المحجَه
وتندسى بين جرحى العُضال
وما انبله حلقك بالإجابات السؤال
فعلام جدواه .. السؤال
علام جدواه السؤال
وفارسك مدجج بالدعاوى الخايبه
والوعد الحنوط
رددتى فى سرك جلالات الهزيمة
وتليت على سرى التشهد والقنوت
مطموسة فيك كل الصحايح
بالفضايح
الواقفه شاهد والبيوت
وتعارضه ما بين الضحك والعبره
شوكة حوت
فعلام جدواه السؤال
يا باحثه عن كل السواقط
من نهاراتنا المهمة
ونابتة من خيبة أملنا
مع الليالى المدلهمة
يا متعبة
ومحقونة بى خدر الأمانى
المستجمة
أنا ما دلقتك للشوارع البارده
ولا البيوت المترفه
لو راودك عن نفسك الماجن الدّعى
وهدّ عزمك بالوعود الزايفه
ما تنسى إنك كنت وافقه
على المسامير الصقر
مجليه بى عرق الشفا
لا شاكيه من ذل العوز
لا باكية من وجع الجفا
وأنا ما دلقتك للشوارع البارده
ولا البيوت المترفه
يا واقفه مشروخه وأبيه يا نحملك شرف القبيله
ونغرمك سيف القضيه أو نبعثـك حُـرة ونـبيّه
لو قد ثوبك من قفا وأنا ما دلقتك .. ما دلقتك



























































الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://nora.forumsmusic.com
 
من روائع ازهري محمدعلي
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتديات نــــــــورا :: الاقسام العامه :: قسم كلمات الاغاني السودانيه-
انتقل الى: